تعرّف على فرع الترجمة بشكل مفصل

مدة الدراسة بفرع الترجمة : 4 سنوات

عدد المواد بالسنة الواحدة:10 مواد

عدد مواد الفصل الواحد : 5 مواد

أيام الدوام : يومي الجمعة و السبت من كل أسبوع

أوقات الدوام : تبدأ المحاضرات من الساعة 8 صباحاً و لغاية 2 ظهراً

عدد المواد التي تحق للطالب في السنة الأولى: يحق لك تنزيل مواد الفصل الأول كاملة كحد أعلى و يحق لك تنزيل مادتين كحد أدنى

تكلفة المادة الواحدة : وفق القرار لهذا العام تحدد مبلغ 10000 ل.س ﻋﻦ ﻛﻞ ﻣﻘﺮﺭ ﻳﻘﺪﻣﻪ ﺍﻟﻄﺎﻟﺐ ﻷﻭﻝ ﻣﺮﺓ، و 15000 ل.س ﻋﻦ ﻛﻞ ﻣﻘﺮﺭ ﻳﻘﺪﻣﻪ ﺍﻟﻄﺎﻟﺐ ﻟﻠﻤﺮﺓ ﺍﻟﺜﺎﻧﻴﺔ، و20000 ل.س ﻋﻦ ﻛﻞ ﻣﻘﺮﺭ ﻳﻘﺪﻣﻪ ﺍﻟﻄﺎﻟﺐ ﻟﻠﻤﺮﺓ ﺍﻟﺜﺎﻟﺜﺔ ﻓﺄﻛﺜﺮ

أين يتم إعطاء المحاضرات : بمدرجات و قاعات كلية الآداب -المزة

لدينا 4 مدرجات (مدرج 1 و مدرج 2 و مدرج 3 و مدرج 4 في الطابق الأول-الأرضي من الكلية ) أما القاعات تكون في الطابق الثاني من الكلية وهم (القاعة 7 و القاعة 8 و القاعة 9 و القاعة 10 و القاعة 11)

كيف ممكن نعرف كل مادة وين بتنعطا بأي مدرج أو قاعة  ؟ موجود اسم المادة و اسم دكتور المادة و وقت المادة ببرنامج الدوام الأسبوعي و بمجرد ثبت البرنامج فبضل معكن لنهاية الفصل على نفس الموعيد

أيمت فينا نراجع شؤون التعليم المفتوح اذا نحن بحاجة سؤال أو للتسجيل ؟

شؤون التعليم المفتوح عطلتن يومي الجمعة و السبت لأن دوامن الرسمي  كل الأسبوع من الأحد للخميس

أيمت فيك تسجل بأي أيام : أيام التسجيل وتنزيل المواد من الأحد للخميس من 9 صباحاً لل 2 ظهراً

وين مكان مكتب شؤون الطلاب للتعليم المفتوح : بكلية الآداب بالطابق الثالث يوجد لافتة صغيرة (يعني ورقة مطبوع عليها ) شؤون التعليم المفتوح

وين بيكون الامتحانات و شو ترتيب الامتحانات؟

أول شي لازم يكون معكن بطاقة الجامعة و قلم رصاص و محاية و قلم أزرق لحتى تكتبوا معلوماتك بالقلم الأزرق و تكتبوا الأجوبة على ورقة الأتمتة بالقلم الرصاص

ملاحظة: قلم أزرق ناشف و ليس حبر

 و بالنسبة للامتحان؟ قبل بيوم بينزل على النت (توزيع الطلاب على القاعات) يعني بتكون عبارة عن جدول مذكور فيه اسم المادة يلي عندكن امتحان فيها و وقت الامتحان و أسماء المدرجات

مثلاً : ثقافة س1 ف 1 ، الساعة 9 صباحاً ، الأرقام من 11234 الى 13900 في المدرج الأول و هكذا

هون مهتمك إنك ما تخربط برقمك الإمتحاني و تحسب صح انت بأي مدرج أو قاعة لأن بصير مشكلة اذا غيرت قاعتك أو مدرجك و المشكلة بتكون بنتجيتك الامتحانية بتصير مضطر أنو تنزل على الشؤون لتعرفا ...

وكمان بالنسبة لموعد الامتحان لازم ما تتأخروا عن الموعد ممكن ما يفتوكن و تروح عليكن المادة حاولوا تكونوا قبل بربع ساعة على الأقل...

معناتا أهم شي عنا : بطاقتك الجامعية و هويتك الشخصية + قلم أزرق و رصاص + تعرف وين قاعتك أو مدرجك حسب ورقة توزيع الطلاب على القاعات +ما تتأخر عن موعد الامتحان
لقراءة ملخص مواد السنة الأولى كاملة اضغط هنا 

مع تمنيات فريق ACADEMISTS لكم بالتوفيق و النجاح