أسرار نجاح عمل طالب الترجمة

ضمن سلسلة #أسرار_نجاح_عمل_طالب_الترجمة وصلنا للسر رقم 4 والي هو بيجاوب على أسئلتكن هدول:

1- أستاذة كيف بشتغل بالترجمة؟ أو كيف بتكون #مهنتي_الترجمة بشكل دائم؟

2- أستاذة كيف بقدر أسس #مكتب_ترجمة باسمي؟ أو خاص فيني ويكون عندي موظفين؟

3- أستاذة شو أحسن شي فيني ساويه بعد التخرج من الترجمة كرمال مهنة ترجمة؟

#هدا_البوست_موجه_أكتر_للخريجين ، حاولوا تبلشوا تتدربوا وتجهزوا حالكن ل #امتحان_الترجمان_المحلف كرمال يسلموكن #ختم_الترجمان_المحلف وتقدروا تبنوا #عمل_بمهنة_الترجمة طيب كيف؟ اقروا البوست:

بحب قلكن شي .. كتير من الأشخاص الي بتشوفوهن ضمن #مكاتب_الترجمة مابيكونوا دارسين #ترجمة للأسف الشديد والأسباب متعددة منها:

1- أي خريج من أي جامعة مقبولة بسوريا يعني متل جامعة دمشق البعث تشرين ..الخ بيحقلو يقدم على فحص #الترجمان_المحلف وبحال نجح بيحصل على ختم الترجمان المحلف وبيحقلو فوراً يفتح مكتب.

2- كتير أصحاب رؤوس أموال بيستأجروا #ختم_الترجمان_المحلف من شخص وبيفتحوا المكتب باسمو وبيحطوا فريق وبيشتغلوا بهالمهنة.

3- كتير #مكاتب_ترجمة_محلفة بتحط إنو عندها ترجمة من ولكل اللغات ولكن بالحقيقة هنن المكاتب شبكة بين بعضن على مبدأ مثلاً: شوبيجيك إنكليزي أنا بشتغلك ياه باسمك وإنت شو بيجيك تركي أنا بشتغلك ياه باسمي وخاصة بالظروف التعيسة الراهنة والركود الموجود بالسوق ...

و...الخ..

#المهم: #ياحزركن_إمت_امتحان_الترجمان_المحلف_القادم؟!

حسب تحليلاتي #البلقيسية ههههههههه يعني الخاصة فيني تعوا لاحكيلكن هدا يا أصدقائي تقريباً كل 8 أو 7 سنوات بيصير #امتحان_الترجمان_المحلف .. فتعوا سوا نحسبها

بعام 2008 كان في امتحان ترجمان محلف #رقم1

بعام 2015 كان في امتحان ترجمان محلف (وضعو مأساوي بالأزمة) #رقم2

بعام 2022 كان لازم يعلنوا عن امتحان ترجمان محلف (ماأعلنوا)

عام 2023 أتوقع حيكون غالباً في إعلان لامتحان الترجمان المحلف #رقم3

طيب رح تسألوني أكيد، شو لازم نعمل لنكون جاهزين لهاد الامتحان؟ بحب قلكن بالتأكيد لازم تكونوا متدربين منيح كتير على امتحان الترجمة وسبب تأخري بتنزيل هاد السر هو إنو جمعتلكن كلشي أسئلة دورات سابقة وتواصلت مع #دكتورنا_العظيم ب #جامعة_دمشق ووافق يفتحلكن سلسلة كورسات خص نص للتدريب على #امتحان_الترجمان_المحلف ورح يغطي الكورس حل أسئلة امتحانات الترجمان المحلف السابقة لتكونوا مستعدين للامتحان القادم إن شاء الله

انتظروني قريباً رح نزل إعلان كورس #التدريب_لامتحان_الترجمان_المحلف ورح كمل بالسلسلة إنشالله بكلشي فيو فايدة لإلكن ..

ملحوظة: مونسيانة أي حدا طلب مني طلبات سابقة، بس عمجهزهن ضمن بوستات أو فيديوهات ورح إطلقهن قريباً إن شاء الله..

متل العادة، بتمنالكن كل التوفيق والنجاح من قلبي